مين غيرك يا يما ( نبيل عماري ) يدخل فينا البهجة يمنحنا الحنان بصدق مش مبتور مين غيرك ليلة العيد يحمص القهوة ويرق خبز القراص والتنور مين غيرك يومنه تضحكي يفيض الليل فرح ونور مين غيرك تعب وشقي قبل ما تصير التكنولوجيا ويندثر البابور من غيرك غير حفاط وقمط ومسح دمعة المحزون مين غيرك يا يما بفجر الصبح لو شفتك يقلب نهاري سرور مين غيرك يما لما تمشي بالبستان تنتشي الورود ويزقزق العصفور يما الياسمية البيضاء لسا بعدها تنشر في ربانا عطور كيف يما بدمعك سقيتيها وأعطتنا من عبيرها البخور من غيرك يما يقتل الحزن جوانا وتعطينا السعادة بحور عشانك يما كانت تضحك المشمشة ويزغرد لرؤياك الحور كنتي البسمه الأولى ألي ووجهك قداسة ع طبق بلور مين غيرك يا يما لو حلقي نزل تسهر طول الليل داويني تا يطل النور يا يما زينة البيت أنتي لولا الأم ما عمرت الدور ولولا الأم ماغنت فايرة ولا كاتب القصيدة وفى النذور ولا سعيد عقل خلا أمه ملاك ولا طلع الحبق وزهر المنثور ... الله يرحمك يا أمي والصحة والعافية لمن على قيد الحياة